भाजपचा आरोप; काँग्रेस सरकारच्या विरोधात बेळगावसह राज्यभर भाजपचे आंदोलन..
बंगळूर: लोकहित न्यूज (विशेष प्रतिनिधी)
नुकताच राज्य काँग्रेस सरकारने सादर केलेला अर्थसंकल्प हिंदू समाज विरोधी असून, मुस्लिमांच्या विकासासाठी आहे. या अर्थसंकल्पात कोटींचा संख्येने असणाऱ्या मराठा समाजासाठी कोणतीच तरतूद नसून, या समाजाने हजारों कोटींचा कर भरूनही त्यांच्या बाजूने कोणत्याच योजना आखण्यात आल्या नाहीत. सर्व तरतुदी मुस्लिम आणि अल्पसंख्यांक घटकासाठी नोंद करण्यात आल्या आहेत. तर बेळगांवसाठी तर कोणत्याच तरतुदी नाहीत त्यामुळे हे सरकार हिंदू विरोधी असल्याचा आरोप करत भाजपतर्फे राज्यभर आंदोलन छेडण्यात आले. जोपर्यंत आमच्या मागण्या मान्य होत नाहीत तोपर्यंत आमचे आंदोलन सुरूच राहील अशी प्रतिक्रिया माजी आमदार संजय पाटील यांनी प्रसारमाध्यमांशी बोलतांना दिली.
बेळगावात आज चन्नम्मा सर्कल ते डीसी कार्यालयापर्यंत जिल्हा भाजपतर्फे मोर्चा काढण्यात आला. यावेळी सरकारविरोधात जोरदार घोषणाबाजी करण्यात आली. या आशयाचे निवेदन जिल्हाधिकारी महमद रोशन यांना सादर करण्यात आले. यावेळी माजी आमदार संजय पाटील, भाजप नेते किरण जाधव, मल्लापा मारीहाळ यांच्यासह जिल्हा व तालुक्याचे नेते पदाधिकारी उपस्थित होते.
Leave a Reply